Кыргыз Республикасынын Өзгөчө кырдаалдар министринин БАЖПИИге иш сапары

Кыргыз Республикасынын Өзгөчө кырдаалдар министринин БАЖПИИге иш сапары.

            27-ноябрда, Кыргыз Республикасынын Өзгөчө кырдаалдар министри Бообек Ажикеев Борбор Азиялык Жерди прикладдык изилдөө институтуна (БАЖПИИ) келди.

Иш сапардын жүрүшүндө ал институттун ишмердүүлүгү, илимий долбоорлор, Кыргызстанда колдонулган заманбап ыкмалар, эл аралык ишмердүүлүк жана илимий маанидеги өнөктөштүктү өнүктүрүү жолдору менен таанышты.

Ошондой эле жолугушууда Молдобеков Болот (БАЖПИИнин содиректору) институттун ишмердүүлүгү жөнүндө «Долбоорду ишке ашыруунун тажрыйбасы жана практикасы» аттуу презентация жасады. Илимий изилдөөлөрдө институт аралыктан зонддоонун заманбап ыкмаларын, ГИСти колдонуп, өзүнүн сервердик базаларын жана жаңы геоинформациялык чечимдерди ишке ашыруу үчүн иштелип чыккан маалыматтар базасы менен жабдылганы айтылган. Ошондой эле жер көчкүлөрдүн, сейсмикалык коркунучтардын, климаттын өзгөрүшүнүн, мөңгүлөрдү изилдөө жаатындагы долбоорлор тууралуу маалымат менен таанышты.

Эске салсак, Өзгөчө кырдаалдар министрлиги БАЖПИИнин уюштуруу кеңешинин мүчөсү.

БАЖПИИнин материалдарынын негизинде даярдалган.